ရန်ကုန်တိုင်းဒေသကြီး လှိုင်သာမြို့နယ်ထဲကရွှေလင်ဗန်းစက်မှု့ဇုန်မှာ လာရောက်လုပ်ကိုင်နေတဲ့တရုတ်နိုင်ငံသားပိုင် Evertex Myanmar Garment အထည့ချုပ်စက်ရုံမှာဧပြီလသက်ြန်ပိတ်ရက်ပြီးနောက်ပိုင်းပိတ်သိမ်းခဲ့တဲ့အချိန်မှာ ပေးချေရမယ်အလုပ်သမားနစ်နားကြေးကိုယခုအချိန်အထိအပြည့်အဝမပေးချေသေးတဲ့အတွက်အဆိုပါစက်ရုံမှအလုပ်သမား ၃၀၀ ခန့်ဟာအခက်အခဲကြုံနေရတယ်လို့သိရပါတယ်။
အဆိုပါစက်ရုံစတင်ပိတ်သိမ်းပြီးနောက် ၅ လပိုင်းထဲမှာHRနဲ.ခေါင်းဆောင်ပိုင်းတွေကိုမီတင်ခေါ်ပြီးစက်ရုံကဆက်လက်မဖွင့်တော့ပဲ၅လပိုင်း၆ရက်နေ့မှာလျှော်ကြေးအပြီးပေးမယ်လို့ပြောခဲ့ပေမယ့်အလုပ်အလုပ်သမားတဦးလျင် ၅၀၀၀၀ ကျပ်သာရရှိခဲ့တယ်လို့စက်ရုံလုပ်သားတဦးက MLN ကိုပြောပါတယ်။
“Bankကထုတ်မရလိုဆိုပြီးဝန်ထမ်းတိုင်းကိုအလုပ်ရှင်ကဟိုရက်ချိန်းဒီရက်ချိန်းနဲ့ရက်တွေကြာပြီးBankကိုအကြောင်းပြ၊ Bankကတပတ်ကိုသိန်း(၃၀၀)ထုတ်ပေးလို့ပိုက်ဆံပြည့်အောင်ရက်စောင့်ပေးပါဟုအလုပ်ရှင်ပြောသောအခါအလုပ်သမားများယုံကြည်မှုမရှိသည့် အတွက်သဘောတူညီမှုမရှိပဲဆူညံဆူညံဖြစ်သွားခဲ့တယ်”လို့ဆိုပါတယ်။
အလုပ်သမားများကို ချက်လက်မှတ်ယူလျှင်လူစုပြီးပေးမည် ဟုပြောသော်လည်း အလုပ်ရှင်ဘက်မှထိုချက်လက်မှတ်မထုတ်ပေးဘဲနောက်ဆုံး တစ်ခေါက်ကျမှလျော်ကြေးအကျေပေးမည် ဟုပြောထားသော်လည်းအလုပ်သမားတစ်ဦလျှင်(၁၀၀၀၀၀)ကျပ်ကိုသာအလုပ်သမားများထံပေးခဲ့တယ်လို့သိရပါတယ်။
"နောက်ပိုင်းတွင်အလုပ်ရှင်ကစစ်ကိုင်းသွားတယ်ပြောလိုက် ရန်ကုန်မှာရှိတယ်ပြောလိုက်နဲ့ယနေ့အချိန်ထိမည်သည့်သတင်းမှမရရှိပဲအလုပ်ရှင်မှထွက်ပြေးတိမ်းရှောင်နေပါတယ်"လို့အလုပ်သမားတဦးကပြောပါတယ်။
စက်ရုံစတင်ပိတ်သိမ်းချိန်မှာ၂လသာပိတ်မယ်လို့ပြောခဲ့ပေမယ့်တကယ်တမ်းပိတ်တဲ့အခါဝန်ထမ်းတွေကဝန်ထမ်းလစာ၅၀ ရာခိုင်နှုန်းတောင်းခဲ့ပေမယ့် ၂လစာအတွက် ၂၀ ရာခိုင်နှုန်းသာ လစဥ်၅ရက်နေ့မှာပေးမယ်လို့အလုပ်သမားတွေနဲ့စက်ရုံပိုင်ရှင်တွေ့ဆုံတဲ့အချိန်မှာပြောခဲ့တယ်လို့လဲသိရပါတယ်။
အဆိုပါစက်ရုံမှထုတ်သည့် Brand မှာ Restoration ဖြစ်ပြီးစက်ရုံပိုင်ရှင်တရုတ်နိုင်ငံသားမှာ စစ်ကိုင်းတိုင်းဖက်တွင် Dong Zhan Garment အမည်ဖြင့်စက်ရုံတခုဖွင့်လှစ်လုပ်ကိုင်နေတယ်လို့လဲသိရပါတယ်။